隔牆有耳:
補習天后:文憑試造就新朝代

梁賀琪認為文憑試「一試定生死」有利補習界發展,因學生無公開試經驗,便幫襯補習社。王偉傑攝
 

 

記:《蘋果》記者 
梁:遵理學校校長梁賀琪

補習教師范浩揚在網上指,有學生在聆聽考試使用其補習社出售的「全攻型收音機」,被誤會有干擾功能,網民批評他缺德。

記:如何看「全攻型收音機」風波?

梁:當事人已否認咗,我去評論係唔公平。曾有名校老師教學生考英文口試,着校服去,因為人哋一睇你件校服,就知道你係乜料,心理上贏咗。又例如有人教你,無論考試深定淺,一出試場就大聲話好淺,打擊他人士氣。又例如開考半小時,就舉手話要「攞紙」,等人知道你答得好順暢。我聽過全攻型收音機,但最驚訝呢單新聞一出,呢部收音機搶購一空,其實呢種(擾敵)心態自古皆有。

文憑試一試定生死,學生、教師也是摸着石頭過河,中文科更被視為相當艱深。

記:文憑試下,補習社生態有何變化?

梁:學生係功利,邊科影響到佢入大學就補邊科,